Khimm innar dort z Tóar zomme Zìmbarlante!

Entra dal portale della Terra dei Cimbri

Komm herein durchs Tor zum Zimbernland!

---

Az bia biar („Azpe Biar“ ka Lusérn)! Diisar is dar ünzar grüuz in zimbrisch vor dii, ba bosüuchent diisa saita!
Darpai günnabarach in sèlben tiifen stüurtz zo liirnan und in sèlben lust na dar khlòan zìmbrischen bèlte.

Z zimbar gaprècht ist an tòal dar germanìschen zungen.
Z prèchtgabìzzach vorlàichanten klóobet az sèa an nuija dar mittarhòoghetaützen zungen von bàvareesen afan mittartakh und an mintzikh von sbaaben.
De liirnekhot hat nòchont gamöcht höotaran, az bar da an pìntonge schüschen zimbrisch un in zungen dar ostrogòten un longobàrden, ba barn gaprèchtet beelz jaar kam mòrgande me Bèlloschlante afan nort.
De zìmbrische zunga is gaprèchtet noch haüte in drai lèntlen dar perge hemmest hèftikh abehan atte laita dar alpen afan mittartakh: Lusérn, Ljetzan un Robaan innont in provìntzen Triin, Bèarn un Viséntz me Bèlloschlante afan nort.
Vööoban z zimbar gaprècht préart üz zo sainan hòachschètzikh af déz mèerorste da, ba zimbrisch sainten an lèntiga snalla von ànara khéttingen schüschen dar mittarhòoghetaützen un dar althòoghetaützen zungen man höotaran z bèksalan vomme taützen gaprèchte.

(gakhéart ìnz Zimbar-Gaprècht dar Siban Komàüne vomm Oliver Baumann mettar rìchtanten hölfe vomme Remigius Geiser)